AEBeko National Science Foundationekoak IMH LHIIra etorri dira “Preparing Technicians for the Future of Work” proiektuarekin batera.

2024/04/16 11:29:38 GMT+1
Ameriketako Estatu Batuetako National Science Foundation erakundea EU Study Tour 2024 ibilbidea antolatzen ari da Europan zehar, eta programatutako geralekuetako bat IMH LHII izan da.

IMH Lanbide Heziketako ikastetxe integratuan AEBeko National Science Foundationekoen bisita jaso dugu “Preparing Technicians for the Future of Work” proiektuarekin batera. Proiektua, Lanerako Ikerketa eta Garapeneko Zentroak (CORD) zuzentzen du.

Proiektu honen helburua, AEBeko erkidegoko ikastetxeetako hezitzaileen eta industria-bazkideen arteko eskualde-lankidetza erraztea da, sortzen ari diren teknologiek gaitasun handiko langileen premian duten eragina zehazteko.

Bisitan zehar, AEBeko jatorrizko campusean ezar litezkeen praktikak behatuko dituzte, eta beren aurkikuntzak parekoen audientzia nazional bati aurkeztuko dizkiote uztailean.

Lan-ingurunea aldatu eta berrikuntzak azkar aurrera egin ahala, langile teknikoek trebetasun berriak eskuratu beharko dituzte. Eraldaketa hori globala denez, Europako estatu ezberdinetan erronka horiei nola aurre egiten dieten aztertu nahi dute.

Laburbilduz, EU Study Tour 2024ren bisitak aukera emango du aztertzeko nola eragiten duten teknologia berriek teknikarien trebakuntzan eta hezkuntza-programen diseinuan. Truke horrek egungo eta etorkizuneko lan-panoramaren ulermena hobetzea eragingo du, industria-sektore guztietan teknologia aurreratuko graduatuentzat beharrezkoak diren funtsezko trebetasunak identifikatuz.