AIMS lankidetza berria, fabrikazio industrialean adimen artifizala bultzatzeko

2022/03/28 20:13:01 GMT+1
Aeronautikan punta-puntakoak diren eragileekin egindako aliantza berri honi esker, IMH Campusetik dagoeneko prestakuntza, trebakuntza eta ikerketa-ildoak garatzen hasi gara Zamudioko espazio berrian.

Ekoizpen inguruneen digitalizazioa bizkortzeko xedearekin, BRTAko (Basque Research and Technology Alliance) IDEKO teknologia guneak, UPV/EHUko CFAA Aeronautikako Fabrikazio Aurreratuko Zentro mistoak, BCAM matematika aplikatuko EAEko zentroak eta IMH Campus prestakuntza aurreratuko zentroak, gure indarrak batu ditugu AIMS (Artificial Intelligence Manufacturing for Sustainability) ikasgela sortzeko; fabrikazio industrialaren sektorean adimen artifizialeko (AA) soluzioak aplika daitezen bultzatzea xede duen elkarlaneko ingurunea, alegia.