Aurrera goaz industria-ekintzailetzan!

Uztailaren 9an Ekintzailetza industria eta hezkuntza ikuspegitik egindako webinarrean LINQCASE, IRISBOND, NEXMACHINA, SAVVY data Systems startup-en eta IDEKOren kasuak ezagutu genituen. Webinarreko partaideen iritziz, bat zetozen startupek konponbide arinak eta azkarrak eskaintzen dituztela, denbora errealean datuen gainean landutakoak, eta industria-enpresen barne-funtzionamendura asko egokitzen direla, beren jarduera osatuz eta azken horiek 4.0 proiektuak lortzeko abiadura eta eraginkortasuna bideratuz.

 

Gaur egungo testuinguruan, covid-19ak eragindako egoerak nolabait digitalizazioa bizkortu du eta lan egiteko moduetan berrasmatzea ekarri du, baita industria-munduan ere. Startup - Industria-enpresa binomioak lankidetza-bide berriak irekitzen ditu, eta horiek balio bereizgarri handia ematen diote nahi den arrakasta lortzeari.

 

Hezkuntza-ikuspegiari dagokionez, IMH, azken 7 urteetan, Elgoibarko Udalarekin eta hainbat enpresa industrialekin (Danobat Group, Schaeffler Iberia, Alcorta Forging Group, Grupo Unceta eta Rural Kutxa) lankidetzan arituz gazteentzako enpresa-industrialen ideia lehiaketa antolatu ondoren, UPTEK oinarri teknologikoko enpresen eta startup-en AFM klusterraren elkarteko kide bihurtu da. Horri esker, industria-ekintzailetza sustatzeko ekintzak biderkatu ahal izango ditu, ideia industrial bat gauzatzeak dakarren zailtasunaz jabetuta.

 

Topaketa birtuala amaitzean, IMHk ekintzailetzaren saria eman zion INNOCOOK proiektuari, Elgoibarko Udalaren lankidetzan.  Proiektua bezeroen elikadura-kasuistiken aniztasunari irtenbidea emateko produktuak garatzeko zerbitzuan datza eta IMHko Prozesuen eta Produktuen Berrikuntzako Ingeniaritzako Graduko sei ikaslek garatu dute. Innocook proiektua Nerea Chapartegui ikasleak aurkeztu zuen webinarrean.

 

Zorionak!.