Azenarioa, arrautza edo kafe aleak: Zailtasunei aurre egiteko hiru modu

Dagoeneko hilabete igaro da gure konfinamendua hasi genuenetik, eta gero eta aldaketa gehiagotara ohitu behar dugu, baina beti ez da erraza guk eskatu gabe datorkiguna ONARTZEA. Horregatik, pertsonen garapena lantzen dugun IMH-Incress taldetik ondorengo fabula zuekin partekatu eta hausnarketa egiteko gonbitea egiten dizugu. Eutsi goiari!

Aldaketei aurre egiteko hiru modu: Azenarioa, arrautza eta kafe-aleak

Osasun Larrialdi honek dakartzan aldaketei aurre egiteko hiru era.

Alaba bat kexu zen aitarekin bere bizitzaz eta gauzak hain zailak egiten zitzaizkiola ikusita. Ez nekien nola egin aurrera egiteko, eta amore emango zuela uste nuen. Nekatuta zegoen borrokatzeaz. Bazirudien arazo bat konpontzen zuenean beste bat agertzen zela.

Aitak sukaldera eraman zuen. Han hiru eltze urez bete eta sutan jarri zituen. Batean azenarioak sartu zituen, bestean arrautzak eta azkenekoan kafe-aleak. Hitzik esan gabe irakiten utzi zituen.

Handik hogei minutura, aitak sua itzali zuen. Azenarioak atera eta katilu batera ipini zituen. Arrautzak atera eta beste plater batean jarri zituen. Azkenean, kafea iragazi eta hirugarren ontzi batean jarri zuen.

Alabari esan zion: "Alaba, zer ikusten duzu? "Azenarioak, arrautzak eta kafea", izan zen haren erantzuna. Hurbildu eta azenarioak ukitzeko eskatu zion. Halaxe egin zuen eta bigunduta zeudela konturatu zen. Gero, arrautza hartu eta puskatzeko eskatu zion. Oskola kendu ondoren,  gogortu zela ikusi zuen. Azkenik kafea dastatzeko esan zion. Alabak irribarre egin zuen bere usain goxoaz gozatzen zuen bitartean.

Alabak galdetu zion: zer esan nahi du honek? Aitak azaldu zion hiru elementuek "ezbehar" berari aurre egin behar izan ziotela: ur irakinari, baina modu ezberdinean erreakzionatu zutela.

• Azenarioa uretan sartzean gogor zegoen, baina irakin ondoren ahul eta erraz desegiten zen.
• Arrautza hauskorra zen uretan sartzean, bere oskol finak bere barne likidoa babesten zuen, baina ur irakin ondoren, bere barnea gogortu egin zen.
• Kafe aleak, ordea, bakanak ziren;  irakin ondoren, ura bera aldatu zuten.

"Nor zara zu?" Galdetu zion alabari. "Ezbeharrak zure atea jotzen duenean, nola erreakzionatzen duzu?

• Azenarioa zara, indartsua dirudizu, baina zoritxarrak eta minak ukitzen zaituztenean, ahul bihurtzen zara eta indarra galtzen duzu?
• Arrautza bat zara, bihotz malguarekin hasten dena? Izpiritu arina zenuen, baina heriotza, banantze edo kaleratze baten ondoren, gogorra eta zurruna bihurtu al zara? Kanpotik berdin zaude, baina garratza eta latza zara, izpiritu eta bihotz gogorrekoa?
• Edo kafe ale bat bezalakoa zara? Kafea irakitean ura eraldatzen du, mina eragiten dion elementua aldatzen du. Ura irakite-puntura iristen denean, kafeak bere zaporerik onena lortzen du. Kafe-alea bezalakoa bazara, gauzak okerrago jartzen direnean hobeto erreakzionatzen duzu eta zure inguruko gauzek hobera egitea eragiten duzu.

Eta zu hiruretatik nor zara?"