DUAL Asmatu Gunea sortu da enpresa industrialen berrikuntza talentu gaztearen bidez sustatzeko
IMH Campusek eta Rural Kutxak lankidetza-hitzarmen bat sinatu dute "Dual Asmatu Gunea" (Aurrerantzean Dual Asmatu) programa abian jartzeko.
Programa horren helburu nagusia da teknologia digitalen berrikuntza- eta inplementazio-prozesuak azkartzea industria-sektorean, bereziki fabrikazio aurreratuaren esparruan.
Horretarako, inguruko industria-enpresetan interesa duten 10 proiektu hautatuko dira. Proiektu horietan, Prozesuen eta Produktuen Berrikuntzako Ingeniaritza Gradu Dualeko ikasleek parte hartuko dute.
Programaren onuradun den ikasle bakoitzak 6 hilabeteko beka bat jasoko du. Beka horrek bere prestakuntza-prozesu duala garatzen lagunduko du, eta gero enpresan sartuko da.
Era berean, berrikuntza-proiektu horiek garatzen laguntzeko, IMH Campusek bere instalazioetan eskuragarri dauden baliabideak erabiltzeko aukera eskainiko die enpresa parte-hartzaileei.
Asmaola punta-puntako teknologiaz eta makineriaz hornitutako lantegi digitala eta fabrikazio aditiboko gunea da.
Berrikuntza-proiektuak hautatzeko prozesua maiatzean, ekainean eta uztailean egingo da.
Hitzarmena sinatzeko saioan, IMH Campuseko zuzendari kudeatzaile Ixaka Egurbidek adierazi du akordioa “beste urrats bat da fabrikazio aurreratuko sektoreko enpresa txiki eta ertainei berrikuntza-prozesuetan laguntzera bideratutako IMH Campuse estrategian, eta gazteen talentuaren eta prestakuntza dualaren aldeko apustu argia, belaunaldi-erreleboaren erronkari heltzeko funtsezko elementu gisa”.
Bestalde, RURAL KUTXAko Gizarte Ekintzako zuzendari Javier Martínezek azaldu duenez, "erakundeak ingurunean eragin sozial positiboa sortzeko asmoa du. Programa hau berrikuntzarekin, gure gazteen prestakuntzarekin eta enpresen lehiakortasunarekin dugun konpromisoaren adibide garbia da, lurraldearentzat etorkizun oparoagoa lortzen lagunduz.”
IMH Campusi buruz
IMH Campus Fabrikazio Aurreratuaren eta Digitalaren arloko erreferentziazko prestakuntza-zentroa da, enpresek eta pertsonek behar dituzten gaitasunen ikaskuntza-kurba bizkortzeko. Urtero 2.200 ikasle baino gehiagok jasotzen dute prestakuntza-eskaintza.
RURAL KUTXAri buruz
Rural Kutxak bere irabazien zati handi bat itzultzen dio gizarteari, bere gizarte-funtsaren bidez, osasunarekin, hezkuntzarekin, ekintzailetzarekin edo ingurumenarekin lotutako proiektuak babestuz.
