IMH Lanbide Heziketa IMTS-n, Chicagon
IMH Lanbide Heziketako Eskola, International Manufacturing Technology Show (IMTS) 2024 delakoan izan da, Chicagoko McCormick Place Konbentzio Zentro ospetsuan. Ekitaldi hau Amerikako makina-erremintaren azoka nagusitzat hartzen da, eta mundu mailako garrantzitsuenetako bat da. Fabrikazio aurreratuaren, automatizazioaren eta metalen prozesamenduaren industriako adituak bildu ziren bertan.
IMTS, The Association for Manufacturing Technology-k (AMT) antolatzen du eta fabrikazio teknologiako berrikuntzarako plataforma aparta eskaintzen du. Azokan zehar, makina-erreminta, osagarriak eta osagaiak, ebaketa-erremintak, fabrikazio aditiboa eta automatizazioa bezalako arloetako azken joerak eta aurrerapenak aurkeztu ziren.
Jardueren artean, Smartforce Ikasleen Goi-Bilera ospatu zen, ikasle gazteak manufakturaren arloan aukerak esploratzera bultzatzeko diseinatutako ekintza. Ekitaldi horri esker, maila guztietako hezitzaile eta ikasleek teknologia berritzaileenekin elkarreragiteko aukera izan zuten eta industria honen etorkizunean oinarritutako ikaskuntza esperimentatu zuten.
Bertan, tresna eta teknologia berriak aztertzeko aukera izateaz gain, STEMen (Zientzia, Teknologia, Ingeniaritza eta Matematika) hezkuntzari buruzko ideiak eta estrategiak trukatzea sustatzen zuten hitzaldi eta mahai-inguruetan parte hartzeko aukera izan zuen.
IMHk IMTS bezalako ekitaldietan parte hartzea funtsezkoa da gure hezitzaileek azken berrikuntzen berri izateko eta ezagutza hori gure ikasleei transmititzeko. Eskolak, manufaktura-sektorearen erronkei aurre egiteko prest dauden profesional trebatuen prestakuntzarekin konprometituta jarraitzen du.
