Malasiako teknikarien prestakuntzaren amaiera IMHn

2003/04/10 23:00:00 GMT+1
2003ko apirilaren 11an, Makina Erremintaren Institutuan (IMH) ikasten aritu diren Malasiako teknikarien bigarren taldearen prestakuntzari amaiera eman zitzaion Elgoibarko Udaletxeko Areto Nagusian.

Ekitaldian, Elgoibarko Alkatea, Jose Mari Oruesagasti, Madrilen dagoen Malaysiako Enbajadorea, Dato Shaarani bin Ibrahim, Europako Marako ordezkaria (Malaysiako arrazaren sustapenean aritzen den Malasiako Garapenerako Ministerioko Erakundea), Abdul Rashid Mohd Said, AFM ko Zuzendari Orokorra (Makina Erremintaren Fabrikatzaileen Elkartea) eta era berean IMHko Lehendakaria, Alberto Ortueta, IMHko Zuzendaria eta era beran Conteseko Lehendakaria, Joxean Egaña, eta Malaysiatarren Prestakuntzaren Arduradun Pedagogikoa, Mikel Marcilla parte hartu zuten.

Diploma jaso zuten 11 ingeniari malasiatarrak 8 hilabeteetan zehar (2002ko abuztutik 2003ko apirilera) prestakuntza tekniko espezifikoa jaso du IMHn, ondoren Malaysiako Kulim herrian dagoen Malaysiar-Espainiar Institutuan irakasle izateko.

Honela MSI-Malaysian Spanish Institute proiektuaren bigarren fasea betetzen da, 1999an Malaysiako eta Espainiako Gobernuak adostu ondoren, Mara eta Contes-en (IMHko nazioarteko sustapenerako enpresa) artean sinatu zuten akordioaren arabera.