Malaysian Spanish Institute: urteko bisita eta proiektuaren aurrerapausoak
2005/09/21 23:00:00 GMT+1
Urtero, MARAko eta UniKL-ko ordezkaritza ezberdinak Contes-IMH ezagutzera etortzen dira eta bide batez, gure herrialdeko enpresa eta erakunde publikoak bisitatzen dituzte.
Malaysian Spanish Institute MSI Proiektuaren barrutian hezkuntza ordezkaritza batek IMHko instalazioak eta proiektuak ezagutu ditu aste honetan. Etorritakoak MSI-Kuala Lumpur Universityko ordezkariak eta MARAko (Malaysiako Gobernuko azpi-erakundea) MSI ikastetxeko irakasleak izan dira. Egonaldian sektoreko enpresa eta ikastetxeak bisitatu dituzte eta Eusko Jaurlaritzako Hezkuntza Sailburuarekin bilera izan dute.
Contes-IMHk Malaysiako ikastetxea zuzentzen du 3 pertsona bertan dituela: ko-zuzendaria eta bi aditu industrial (mekanikoa eta elektronikoa).
Espainia eta Malaysiako gobernuen arteko hitzarmenaren proiektu honetan Contes-IMHri asistentzia teknikoa eta ko-zuzendaritza dagokio.
