Txina-Tianjingo Lanbide Heziketako bigarren promozioa martxan
Tianjin-Beijing, Txina urriak 23-29 argazkiak...
Urriaren 23 eta 29 artean Joxean Egaña eta Josu Torrealdeak osatutako IMHko ordezkaritzak Txinako Beijinen eta Tianjinen burutu diren hainbat jardueretan parte hartu dute.
Urriarren 24 eta 25ean Beijingo Nazioarteko Hezkuntza Azokan parte hartu dute, bertako CSMC bazkidearen erakustokian (Txinako Makina Erremintaren Institutua) eta mundu mailako WFCP biltzarrean IMH eta AsmaolaPlusen inguruko hitzaldiak eskainiz (Lanbide Heziketako Ikastetxeen eta Eskola Politeknikoen Munduko Federazioa).
Urriaren 27an Tianjinen parte hartu genuen CSMCk sustatutako bi ekintzetan:
- Opening Ceremony, Lanbide heziketako ikasturtearen inaugurazio ofizialean CSMCko Zhang Xinghui presidentea buru zuela. Ekitaldi honetan Joxean Egañak sektore industrialaren garrantzia, ikastaroaren helburuak eta lan irteerak nabarmendu zituen. IMHren intsigniak ipini zitzaizkien ikasleei guztiei eta amaieran promozio berriko ikasleekin atera zen argazkia. Ekitaldian ere parte hartu zuten Natxo Artamendi CSMCko ko-zuzendariak, eta Iñaki Mujika Tknikako Zuzendariak.
- Lanbide Heziketan Berrikuntzaren esperientziei buruzko mintegian. Mintegi hau irakasle eta enprentzat antolatu zen eta IMHk Asmaola+ proiektua aurkeztu zuen ikuspegi praktikotik, ikastetxe parte hartzaileek egindako adibideak azalduz. Bestalde, Trenbideko sektoreko ordezkariak, Iñaki Mujikak eta Jose Luis Fernandez Maurek, VETIBAC proiektua, Euskal LHko Nazioarteko Campusa eta Tknikako proiektuei buruzko azalpenak eman zituzten. Amaieran AFZ (Tianjingo Lanbide Heziketa Zentrua) eta Tknikaren (Lanbide Heziketako Berrikuntzaren Euskal Institutua) arteko lankidetza hitzarmena sinatu zuten.
Urriaren 28an CSMCren zuzendaritzaren lan saioa burutu zen, ikastaroaren garapena eta hurrengo hilabeteetan landu beharko diren helburuak aztertzeko.
