VLF4EU CoVE proiektua: Hasierako topaketa

2025/02/27 20:03:00 GMT+1
Virtual Learning Factory europar aliantza sortuko dugu goi-mailako hezkuntza profesionalizatzailea ematen duten erakunde, ikastetxe, unibertsitateekin, enpresa elkarteekin eta birtutalizazio eta digitalizazioan lanean diharduten enpresekin.
CoVE proiektu berri honen kick-off hasierako topaketa egin dugu IMH Campusen otsailaren 25-26an, proiektuaren bazkide guztiek, hala nola: Professionshøjskolen UCN, ECOLE - Enti COnfindustriali Lombardi per l'Education, Göteborgs Tekniska College, CESI Ecole d’Ingenieurs, SCSKZ - School center Slovenske Konjice-Zreče, Elesar Innovation, Logisnext Sweden AB, INNOVAE, MecaBotiX, AFM - Advanced Manufacturing Technologies, MADE, UCIMU, eta IMH Campus (proiektu burua).

 
Topaketan bazkideak elkar ezagutzeaz gain, lau urtez landuko diren ildo estrategikoak birpasatu dituzte eta lan banaketari eta proiektuaren kudeaketaren antolaketari ekin diote. Horrez gain, IMH Campusen birtualizazio eta digitalizazio proiektuak ezagutu dituzte, Makina Erremintaren Museoaz gozatzeko aukera izan dute, eta IMHko ikasle ohi eta egun ekintzailea den Lizagasar sagartokiaren esperientzia ere ezagutu dute, euskal ohitura eta kulturari tokia eginez.
 
Hurrengo bilera Frantzian egingo da CESIren egoitzan. Eskerrik asko bazkide guztiei zuen partaidetza eta inplikazioagatik, plazer bat izan da IMH Campusen zuek hartzea!
 
VLF4EU proiektuarei buruz:
Irakaskuntzaren Lantegi Birtualen Aliantza eraikitzen: Europar industriaren digitalizazioaren lehiakortasuna eta hazkundea guztiontzat.
 
Formakuntza-prozesuetan, errealitate birtuala, errealitate areagotua, biki digitalak eta adimen artifiziala bezalako teknologiak sartzen ari dira ikastetxe profesionalizatzaileetan (Lanbide Heziketa, unibertsitate-eskolak, zentro politeknikoak).
 
Baina horien erabilera ez da modu sistematikoan eta orokorrean sartzen ari ikaskuntza-prozesuetan, modu isolatuan edo erakuste-mailan erabiltzen baitira.
 
Bilakaera teknologikoaren erritmoa erabat azkarra da. Hezkuntza prozesuetan integrazio sistemikoa berehala lantzen ez bada, goi-mailako hezkuntza profesionalizatzaileko ikastetxeen erantzuna erreaktiboegia eta ez-eraginkorra izango da.
 
5.0 teknologiak ETEetara modu sendoan transferitzea lortzeko, hezkuntza-sistema profesionalizatzaileak teknologia horien erabileran oinarritutako irakaskuntza-ikaskuntza prozesuak diseinatu eta aplikatu behar ditu.
 
Eta ikasleek beharrezko gaitasunak (ekologikoak eta digitalak) eskuratu beharko dituzte, enpresei produkzio-prozesuetan modu naturalean erabiltzen laguntzeko.

VLF4EUren helburua fabrikazio-sektorean ikaskuntza birtualeko Europako fabriken arteko aliantza bat garatzea da.
 
Aliantza horren bidez, epe luzerako ekarpena egingo zaio goi-mailako prestakuntza-sistema profesionalizatzaileen eta fabrikazio-enpresa txiki eta ertainen modernizazioari.

Eta ikerketa aplikatuarekiko eta garapen esperimentalarekiko konpromisoari ere, proiektutik askoz harago eragin aktiboa izango baitu.