Fabrikazio Mekanikoko Produkzioaren Programazioa
Goi mailako Heziketa Zikloa
Profil profesionala:
Ikasketa hauekin enpresa fabrikatzaileetako produkzioa planifikatzen, programatzen eta kontrolatzen ikasiko duzu: CNC makinetan nahiz makina konbentzionaletan mekanizaziorako operazio prozesuak lantzen ikasiko duzu, mekanizazioari, konformazioari eta muntaketari dagozkion sistema automatizatuak programatzearekin batera. Ezagutza teknikoez gain, lan-munduan zure gaitasun eta baliabideak hobeto ezagutzeko eta talde-lanean lan egiteko prestatuko zaitugu. Horrek guztiak hainbat sektoreko enpresa industrialetan lanean hasteko ateak zabalduko dizkizu edota, ikasten jarraitu nahi izanez gero, espezializaziorako ikasketak egiteko nahiz unibertsitate mailako ikasketak egiteko bidea zabalduko dizu.
Prestakuntza duala
23/24 ikasturtetik aurrera, lanbide-heziketako heziketa-zikloak eredu dualaren arabera antolatzen dira. Oro har, prestakuntza horren oinarria da ikasleak bere prestakuntza-ibilbidean hainbat prestakuntza-egonaldi izaten dituela enpresetan, eta bertan bere heziketa-zikloko gaitasunen zati bat eskuratzen duela.
Prestakuntza horrek modalitate hauek ditu:
Lehen mailako prestakuntza Dual Orokorra
- Ikaslea enpresan dago 16 egunez lanaldi osoan.
- Ez dago kontratu-harremanik ikaslearen eta enpresaren artean.
- Egonaldi honen gutxi gorabeherako data maiatzaren erdialdea izango da.
Bigarren mailako prestakuntza Dual Orokorra
- Ikaslea enpresan dago 62 egunez lanaldi osoan.
- Ez dago kontratu-harremanik ikaslearen eta enpresaren artean.
- Egonaldi honen gutxi gorabeherako data otsailaren erdialdetik ekainaren hasierara izango da.
Prestakuntza Dual Intentsiboa
- Urteko uztailetik, ikasleak lehen maila gainditu duenetik, bigarren maila egiten duen ikasturteko ekainera arte garatzen da.
- Kontratu-harremana dago ikaslearen eta enpresaren artean (lanaldi erdiko kontratua).
- Heziketa-zikloaren arabera, egonaldi horiek arratsaldez edo lanaldi osokoak izan daitezke astean egun batzuetan.
2024/2025 ikasturtea
Lanbide-heziketako legedia aldatu denez, 24/25 eta 25/26 ikasturteetan aldaketak gertatzen dira ematen diren moduluetan.
Ikasketa-plana
D (euskera) eta A (gazteleraz) hizkuntza ereduak
| 1. Maila: | Orduak |
|---|---|
| Interpretazio grafikoa | 132 |
| Mekanizazio, konformazio eta muntaia-prozesuen definizioa | 231 |
| Fabrikazio-prozesuen gauzatzea | 198 |
| Fabrikazio mekanikoko sistema automatikoen programazioa | 100 |
| Produktuen egiaztapena | 165 |
| Enpleagarritasunerako ibilbide pertsonala I | 120 |
| Produkzio-sistemari aplikatutako iraunkortasuna | 30 |
| 2. Maila: | Orduak |
| Zenbakizko kontrol bidezko mekanizazioa | 240 |
| Ordenagailuz lagundutako fabrikazioa (CAM) | 40 |
| Kalitatearen kudeaketa, laneko arriskuen prebentzioa eta ingurumen-babesa | 165 |
| Produkzioaren programazioa | 120 |
| Ingeles profesionala | 63 |
| Enpleagarritasunerako ibilbide pertsonala II | 63 |
| Produkzio-sektoreei aplikatutako digitalizazioa | 63 |
| Hautazko moduloa(k) | 84 |
Proiektuetan oinarritutako ikaskuntza
Zikloaren garapenean zehar baliatzen den metodologia erronketan oinarritzen da. Hori dela eta, sarri moduluen edukiak modu bateratuan garatuko dira.
Irteera profesionalak
- Mekanizazio prozesuen teknikaria
- Produkzioa planifikatzeko teknikaria
- Makina eta sistemak programatzeko teknikaria
- Kalitate kontroleko teknikaria
Ikasten jarraitzeko aukerak
- Espezializazioa: Abiadura altuko eta errendimendu altuko material berezien mekanizazio aurreratua
- Espezializazioa: Fabrikazio aditiboa
- Berrikuntzarako Ingeniaritza Gradu Duala
- Bestelako unibertsitate mailako ikasketak
